...alveg klárt mál.

Seinustu daga hefur veðrið verið alveg grillandi gott. Svo grillandi að ég brenndist sæmilega á fótum.

Mamma, Svenni og Arnar helgi komu um miðjan júlí og hjálpuðu okkur m.a. að flytja. Veðrið var ekkert spennandi á þeim tíma, svo það setti strik í reikninginn. Annars var mjög gaman að fá þau hingað í heimsókn.

Nýja húsið okkar er alveg milljón. Eins og að vinna í lotteríi eiginlega. Eitthvað af kanínunum verður slátrað á næstu dögum, en eggin munu enn rúlla út úr hænsnunum - og ég sver að þetta eru bestu egg sem ég hef smakkað. Ég smelli væntanlega eitthvað af myndum af húsinu á næstunni, svona þegar við erum búin að koma okkur betur fyrir.

Seinustu vikuna hefur verið um 30°C og glampandi sól. Kíktum á ströndina á mánudagsmorgun og hittum Afa Kristján þar ásamt hans föruneyti.

 Í dag er ég búinn með ljósmyndaverkefnið sem ég fékk fyrir fyrirtækið CHDK sem selur leðurjakka. Það hefur tekið allt of langan tíma.